如何拍出一生難忘嘅婚紗照?

婚紗攝影一生人一次,相信各位新人都想影到自己最靚嘅一面,留下美好嘅回憶。等小編我同大家講吓影完美婚紗相之前,有咩要準備啦!~

外表:

1. 身形管理:好多婚紗都有展現身材嘅設計,唔想身形缺點喺鏡頭下表露無遺,就要喺影婚紗相之前拎出毅力,做適量運動配合均衡飲食,務求有漂亮緊緻嘅身材曲線。

2. 脫毛:如果婚紗嘅設計係會露出腋下或者手腳就謹記要脫毛,唔係影出嚟有一舊黑色就唔好睇啦!

3. 染髮:如果一頭「布丁頭」去影婚紗相嘅話,將來睇番啲相都會覺得好礙眼。不過,如果本身係黑色頭髮嘅話,好多髮型都比較難有層次感。所以最好喺影婚紗相之前,染一個有層次感、睇落去令自己有精神嘅淺髮色髮型。

4. 指甲護理:最低限度要將手甲腳甲修剪好,仲要保持乾淨。如果想影特寫,例如新郎幫新娘戴戒指、著鞋嘅畫面,可以考慮塗指甲油同埋用小貼紙裝飾。簡簡單單嘅白色或裸色指甲油就容易襯到唔同風格嘅婚紗!

當天要帶:

1. 運動鞋:如果要拍外景,相信冇新娘會想著高踭鞋行山。一對舒服嘅鞋先可以幫你撐到長時間影婚紗相,所以記得帶定運動鞋啊!

2. Nu bra:覺得著婚紗露咗bra帶好尷尬?咁就要事先準備好適合自己嘅nu bra啦!

3. 隱形眼鏡:眼鏡嘅鏡片會反光,同埋眼鏡好難襯到婚紗,所以視力麻麻嘅新娘記得戴隱形眼鏡啦!

4. 眼藥水:隱形眼鏡戴太耐會令到對眼唔舒服,滴眼藥水就可以舒緩一下對眼嘅疲勞。

5. 水同零食:婚紗相要影好耐,著住婚紗又唔方便食得太多,所以要帶多啲水同方便食嘅零食黎補充體力。

6. 夏天準備:防曬用品、防蚊用品(注意唔好揀會令婚紗染色嘅產品!)、小風扇同埋遮。

7. 冬天準備:暖包、防風保暖嘅大外套同埋暖水壺。

準備好影婚紗相但係諗唔到可以去邊度影?其實香港都有好多可以影婚紗相嘅地方,唔一定要大灑金錢去外國。下面係小編推薦嘅地點:

1. 城門水塘:筆直嘅通天大樹,營造出神秘獨特嘅氣氛,連謝安琪的《山林道》MV都喺呢度取景架!想扮森林仙子嘅新娘可以考慮下呢度!

圖片來源:https://goo.gl/8K2KgB

2. 迪欣湖:草地與湖,喺鍾意大自然嘅清新之選。

圖片來源:香港迪士尼樂園

[if !supportLineBreakNewLine]

3. 山頂公園:典雅嘅花園同歐式建築,每個新娘都可以做一日貴族,喺自己嘅後花園遊走。 [endif]

圖片來源:維基百科

4. 拉斐特紫天使禮堂:唔想夏日炎炎去郊外影相,都可以揀影室內婚紗相。除咗有好靚嘅場地佈置之外,仲唔洗擔心天氣嘅好壞,對新娘嚟講都更加輕鬆。

影婚紗相有好多嘢要準備,仲要揀婚紗禮服、攝影師同化妝師等等,諗起都覺得煩?不如試下拉斐特嘅室內及外景婚紗攝影服務,有大量婚紗禮服任你揀,仲提供化妝服務同多款飾物配件。新人可以自選兩個外景景區,更可以帶埋心愛嘅寵物一齊影添!

除此之外,拉斐特仲提供婚宴、證婚及場地佈置等服務,各位新人不妨考慮吓我哋嘅專業服務啦!

#prewedding #室內婚紗拍攝 #室外婚紗拍攝 #婚紗相 #婚禮Tips

精選文章
最新文章
發佈日期
標籤
No tags yet.
關注我們
  • Facebook Basic Square
  • Twitter Basic Square
  • Google+ Basic Square
關於我們

拉斐特Lafayette 於2011年成立,提供一站式婚嫁及活動統籌服務的婚禮及活動策劃品牌,由專業團隊為顧客量身打造,從籌劃構思、場地建議、設計佈置、餐飲到會到化妝攝錄影,以至證婚安排、婚紗禮服一站式全包,滿足不同顧客的需求,務必給顧客一個難忘的體驗。

聯絡我們

電話: 2506 0606

WhatsApp: 6900 7828
地址:九龍旺角廣東道1163號6樓

電郵: cs@L-wedding.hk

訂閱我們的資訊