最難忘及感動嘅婚禮

心目中難忘嘅婚禮，唔在乎隆重或奢華，而係當中嘅一份愛。曾經有新人因家人病危而希望一個月內成婚，了其心願。幾日後，當我哋趕緊為其籌備之際，家人病情急轉直下… 同新人幾經商量，最後決定安排律師即刻去醫院，喺家人見證下做簽紙儀式，等佢可以無憾地離開。新人嘅孝心令人動容，亦令我哋整個團隊毫不猶豫去一齊完成心願。無論係一對新人點樣困難中互相支持嘅愛情，抑或盡孝盡義嘅親情，都俾我好大反思、學習！祝願一對新人同偕白首之外，更想講一句：多謝您哋。